टोकियोतील मराठी मंडळाची पुण्यातील "मुक्तांगण मित्र' संस्थेला मदत
पुणे, ता २३ - टोकियोतील मराठी मंडळाने पुण्यातील "मुक्तांगण मित्र ' या संस्थेला १००००० येनची (सुमारे ३८००० रुपये) देणगी दिली आहे.
टोकियो मराठी मंडळाचे कार्यकारिणी सदस्य श्रीकांत अत्रे यांनी "मुक्तांगण मित्र' चे संस्थापक अनिल अवचट यांच्याकडे देणगी सुपूर्त केली.
१९९६ मध्ये स्थापन झालेल्या टोकियो मराठी मंडळाने आत्तापर्यंत जपानमध्ये अनेक सांस्कृतिक कार्यक्रम केले आहेत. या कार्यक्रमांचे आयोजन करताना प्रेक्षकांकडून प्रवेश वर्गणी स्वरुपात गोळा झालेल्या रकमेतून खर्च वजा जाता उरलेली रक्कम साठवली जाते. या साठवलेल्या रकमेतून यंदा "मुक्तांगण मित्र' ला देणगी देण्यात आली.
दर वर्षी निरनिराळ्या संस्थांना अशा स्वरुपाची मदत करण्याची इच्छा असल्याचे अत्रे यांनी सांगितले.
Subscribe to:
Post Comments (Atom)
No comments:
Post a Comment