Differences in Bay Area --Saahitya Sammelan--Maharashtra Times.

संमेलन आयोजनासाठी... बे एरियातच मतमतांतरे
26 Jun 2008, 0032 hrs IST

प्रिंट करा सेव करा ई-मेल करा
प्रतिक्रिया नोंदवा





- हारिस शेख

सॅन फ्रान्सिस्कोत साहित्य संमेलन घ्यावे की घेऊ नये, याबाबत बे एरियात राहणाऱ्या मराठी भाषकांमध्ये मत मतांतरे व्यक्त केली जात आहेत. बे एरिया महाराष्ट्र मंडळाने संमेलनासाठी आतापासूनच तयारी सुरू केली असली तरी याच भागात राहणाऱ्या मराठीजनांनी नाहक कोट्यवधी रुपये खर्चून सॅन फ्रान्सिस्कोत संमेलन कशाला, असाही सूर 'मटा' ऑनलाइनला पाठवलेल्या ई-पत्रात लावला आहे. लॉस एन्जलिसमधील अनिल भोसले म्हणतात की, मूठभर लोकांसाठी हा प्रचंड खर्च करणे निव्वळ मूर्खपणा ठरेल. त्यापेक्षा महाराष्ट्रात अडचणीत सापडलेल्या शेतकऱ्यांना मदत केल्यास संमेलनाचा मोठेपणा दिसेल.

न्यू जर्सी इथून दीपक लिहितात, अमेरिकेत मराठी साहित्य संमेलन होत असल्याबद्दल एनआरआय म्हणून मला आनंद होईल, पण संमेलन म्हणजे मूठभर मराठी एनआरआयसाठी 'शो ऑफ' ठरू नये. संमेलनावर पैसे न उधळता ते योग्य ठिकाणी वापरावेत.बे एरिया महाराष्ट्र मंडळाच्या कार्यपध्दतीवर नाराज मराठीजनांपैकी सॅन फ्रान्सिस्कोतील संदीप सन्नीवळेकर लिहितात, हे संमेलन म्हणजे बे एरिया महाराष्ट्र मंडळाचा हट्ट आहे. गेल्या वषीर्पर्यत हे मंडळ वेगवेगळ्या वादांमध्ये अडकले होते. यावषीर् रौप्यमहोत्सवी वर्ष म्हणता म्हणता वादावर पडदा पडला. जळगावचा रहिवासी असलेला आणि सध्या सॅन होजे विद्यापीठाचा विद्याथीर् अनिल मगरे याने संमेलनाबद्दल आनंद व्यक्त केला. येथे मराठीच्या प्रचार आणि प्रसारासाठी संमेलन उपयोगी ठरेल, असे त्याला वाटते.

बे एरियातून योगेश नाईक लिहितो : आम्ही तरुण मंडळी संमेलनाची वाट पाहत आहोत. अमेरिका, कॅनडा व अन्य देशांमधून हजारो मराठीप्रेमी येणार आहेत. यामुळे इथले तरुण लेखक, कवींना आपली प्रतिभा दाखवण्यासाठी व्यासपीठ मिळेल. ठाण्यात किंवा रत्नागिरीत संमेलन झाले असते तरी विरोध झालाच असता. सर्वसामान्यांना वादात रस नसतो. हा विरोध न्यूनगंडातून होत असतो. साहित्य महामंडळाने दरवर्षी दोन साहित्य संमेलने आयोजित करावीत. अखिल भारतीय संमेलन भारतात, तर जागतिक मराठी संमेलन परदेशात व्हायला हवे. त्यामुळे वाद होणारच नाही, असे न्यू जसीर्च्या सी. व्ही. डोंगरे यांचे मत आहे.





या बातमीवरच्या एकूण प्रतिक्रिया (5) वाचा अन्य वाचकांच्या प्रतिक्रिया आणि तुमची प्रतिक्रिया लिहा.